Cashero ( 2025 )

මේක 2025 වර්ෂයේ නිකුත් වුණු කොරියානු (South Korean) කතා මාලාවක්. Action, Comedy සහ Superhero කියන Genre වලට තමයි මේක වැටෙන්නේ.

මූලික තොරතුරු –

අධ්‍යක්ෂණය: Lee Chang-min (Welcome to Waikiki කරපු අධ්‍යක්ෂකවරයා).

ප්‍රධාන නළු නිළියන්: සුපිරි නළු Lee Junho (Kang Sang-Woong ලෙස), Kim Hye-Jun (Kim Min-sook ලෙස), Kim Byung-Chul (Byeon Ho-in ලෙස) සහ Kim Hyang-Gi (Bang Eun-mi ලෙස).

විකාශය: Netflix හරහා.

මේ කතාව සිද්ධ වෙන්නේ වර්තමාන කොරියාවේ සාමාන්‍ය නගරයක. මේ ලෝකය පිටින් බලද්දි සාමාන්‍ය විදියට පෙනුනට, හොරෙන් හැංගිලා ඉන්න පුදුම බලයන් තියෙන මිනිස්සු ඉන්නවා. හැබැයි මේ සුපිරි බලයන් (Superpowers) නිකන්ම ලැබෙන ඒවා නෙවෙයි, හරිම අමුතු කොන්දේසි වලට යටත් වෙච්ච ඒවා.

 මේක Marvel චිත්‍රපට වගේ බරපතල, ලෝකය විනාශ වෙන මට්ටමේ Serious කතාවක් නෙවෙයි. මේක ගොඩක් විනෝදජනක (Comedy), ඒ වගේම හොඳ Action scenes තියෙන, හිතට සැහැල්ලුවක් දැනෙන කතාවක්.

ඉතින් මේ Season එක පුරාවටම අපි දකින්නේ, ලෝකය බේරගන්න ඕන වුණාට තමන්ගේ අතේ පිච්චිය නැතිවෙයි කියලා බයෙන් ඉන්න මේ අමුතු වීරයාගේ ගමනයි. එයාට මේ වැඩේදි උදව් කරන්න තවත් අමුතු බලයන් තියෙන කණ්ඩායමක් එකතු වෙනවා. මෙයාලට එකතු වෙලා ලොකු "දුෂ්ට සංගමයකට" එරෙහිව සටන් කරන්න සිද්ධ වෙනවා. මේ සටන දිනයිද, නැත්නම් මෙයාලා බංකොලොත් වෙයිද කියන එක තමයි ලොකුම ප්‍රශ්නේ.

ප්‍රධාන තේමාව තමයි "වීරයෙක් වෙන්නත් සල්ලි ඕන" කියන එක. ආර්ථික ප්‍රශ්න සහ වගකීම් එක්ක හිරවෙලා ඉන්න සාමාන්‍ය මිනිස්සු කොහොමද වීරයෝ වෙන්නේ කියන එක ලස්සනට පෙන්නනවා.

"ඉතින් අන්තිමේදී අපේ Cashero ලෝකය බේරගත්තද, නැත්නම් හිඟන්නෙක් වුණාද කියලා දැනගන්න නම් Season එකම බලලාම දැනගන්න වෙනවා. විශ්වාස කරන්න, අන්තිම ටික මාරම ත්‍රාසජනකයි!"