Missing You (2016) [වසර පහළොවක බලාපොරොත්තුව]

මේක 2016 අවුරුද්දේ නිකුත් වුණ දකුණු කොරියානු (South Korean) චිත්‍රපටයක්. වර්ගීකරණය වෙන්නේ Crime, Thriller සහ Revenge කියන කැටගරි වලට. මේ චිත්‍රපටයේ අධ්‍යක්ෂණය Mo Hong-jin විසින් සිදු කරලා තියෙනවා.

ප්‍රධාන චරිත :

Shim Eun-kyung රඟපානවා 'හී-ජූ' (Hee-joo) කියන අහිංසක පෙනුම තියෙන දුවගේ චරිතය.

Kim Sung-oh රඟපානවා 'කි-බම්' (Ki-bum) කියන දරුණු අපරාධකරුගේ චරිතය (මෙයා මේ චරිතය වෙනුවෙන් ගොඩක් කෙට්ටු වෙලා තියෙනවා).

Yoon Je-moon රඟපානවා 'ඩේ-යොන්ග්' (Dae-young) කියන පොලිස් පරීක්ෂකවරයාගේ චරිතය.

මේ කතාව සිද්ධ වෙන්නේ වර්තමාන කොරියාවේමයි, හැබැයි මුළු කතාවම දුවන්නේ හරිම අඳුරු, සීතල සහ භයානක වටපිටාවක. මේක නිකන්ම නිකන් Crime ෆිල්ම් එකක් නෙවෙයි, හිත හිරිවැටෙන මට්ටමේ Psychological Thriller එකක්. කතාවේ හැටියට නීතියෙන් සාධාරණය ඉෂ්ට නොවුණ තැනක, තමන්ගේම ක්‍රමයට යුක්තිය හොයන්න යන මිනිස්සු ඉන්න ලෝකයක් තමයි අපිට දකින්න ලැබෙන්නේ. මුළු ෆිල්ම් එක පුරාම ලොකු පීඩනයක් (tension) සහ අභිරහස් බවක් රැඳිලා තියෙනවා.

ඉතින් මේ ෆිල්ම් එක පටන් ගන්නේ හරිම කණගාටුදායක සිද්ධියකින්. අපේ ප්‍රධාන චරිතය වන හී-ජූ (Hee-joo) ගොඩක් පුංචි කාලෙදි එයාගේ තාත්තව කෙනෙක් ඝාතනය කරනවා. තාත්තා පොලිස් නිලධාරියෙක් වුණත්, මිනීමරුවා වෙච්ච කි-බම්ට ලැබෙන්නේ අවුරුදු 15ක හිර දඬුවමක් විතරයි. ඉතින් එදා ඉඳන් මේ පුංචි කෙල්ල තමන්ගේ තාත්තා වෙනුවෙන් ඒ මිනීමරුවා එළියට එන දවස එනකල් දින ගණන් කර කර බලන් ඉන්නවා.

අවුරුදු 15කට පස්සේ දැන් හී-ජූ ලොකු ළමයෙක්. අර මිනීමරුවා හිරෙන් නිදහස් වෙන දවසත් එනවා. හැබැයි එයා එළියට ආවට පස්සේ ආයෙමත් නගරයේ අමුතු අමුතු මිනීමැරුම් සිද්ධ වෙන්න පටන් ගන්නවා. මේ මිනීමරුවා පස්සෙන් පොලිස් පරීක්ෂකවරයකුත් පන්නනවා. හැබැයි කාටත් වඩා ලොකු ප්ලෑන් එකක් හී-ජූ ගාව තියෙනවා වගේ පේනවා. අහිංසක විදිහට පෙනුනට එයා අවුරුදු 15ක් තිස්සේ මොකක් හරි දේකට ලෑස්ති වුණා කියලා ඔයාලට දැනෙයි. ඉතින් මේ අලුත් මිනීමැරුම් කරන්නේ කවුද? හී-ජූ මොනවද කරන්න යන්නේ? කියන එක තමයි කතාවේ ලොකුම ගැටළුව වෙන්නේ.

මේ කතාවේ වැඩියෙන්ම හිතට වද දෙන ප්‍රශ්නය තමයි, ඇත්තටම දඩයම් කරන්නේ කවුද, දඩයම් වෙන්නේ කවුද කියන එක. අහිංසක මූණක් තියෙන හී-ජූ ඇත්තටම එයාගේ තාත්තා වෙනුවෙන් කොච්චර දුරක් යයිද?

ඉතින් මේ පලිගැනීමේ කතාවේ අවසානය ලේ විලක් වෙයිද, නැත්නම් සාධාරණය දිනයිද කියලා දැනගන්න නම් "Missing You" ෆිල්ම් එක බලලම ඉන්න වෙනවා!