Ghost Train (2024) [මරණයේ දුම්රියපොළ]

මූලික තොරතුරු – * වසර සහ රට: 2024 (දකුණු කොරියාව)

• ශානරය (Genre): ත්‍රාසජනක (Horror) සහ අභිරහස් (Mystery)
• අධ්‍යක්ෂණය: ටක් සේ-වූං (Tak Se-woong)
• තිර රචනය: ජෝ බා-රියුන් (Jo Ba-reun - ජනප්‍රිය Ghost Mansion චිත්‍රපටය නිර්මාණය කළ කෙනා)

ප්‍රධාන රංගනය: අසාර්ථක යූටියුබර් කෙනෙක් වන ඩා-ක්‍යුන්ග් ලෙස Joo Hyun-young, දුම්රියපොළේ කළමනාකරු ලෙස Jeon Bae-soo සහ යූටියුබ් නිෂ්පාදක වූ-ජින් ලෙස Choi Bo-min මෙහි ප්‍රධාන චරිතවලට පණ පොවනවා.

මේ කතාව දිවයන්නේ සාමාන්‍ය නූතන ලෝකයේ වුණත්, මුළු කතාවම වටා කැරකෙන්නේ දකුණු කොරියාවේ තියෙන ග්වන්ග්ලිම් (Gwanglim) කියන භූගත දුම්රිය ස්ථානයක් (Subway station) කේන්ද්‍ර කරගෙනයි. මේ දුම්රියපොළ සාමාන්‍ය එකක් නෙවෙයි, මිනිස්සු අතුරුදහන් වෙන, අමුතු සිදුවීම් පිරුණු තැනක් විදිහටයි ප්‍රසිද්ධ. මේ චිත්‍රපටය එක දිගට යන කතාවකට වඩා, එකම තැනක් වටා ගෙතුණු කුඩා අද්භූත කතා කිහිපයක් (anthology style) එකතු කරලා හදපු අපූරු නිර්මාණයක්. ඒ වගේම මේකේ නිකම්ම බය කරනවාට වඩා, අද කාලේ සමාජ මාධ්‍ය උන්මාදය එක්ක බැඳුණු dark වයිබ් එකක් සහ පොඩි හාස්‍යජනක (dark comedy) ස්වභාවයකුත් තියෙනවා.

ඔන්න කතාව මුලින්ම පටන් ගන්නේ ඩා-ක්‍යුන්ග් (Da-kyung) කියන යූටියුබර්ගෙන්. එයා අද්භූත දේවල් ගැන වීඩියෝ කරන "Horror YouTuber" කෙනෙක් වුණත්, දැන් එයාගේ චැනල් එකේ views ගොඩක් අඩු වෙලා, එයා ලොකු කඩා වැටීමකයි ඉන්නේ. කොහොම හරි ආයෙත් views අරගෙන ජනප්‍රිය වෙන්න ඕනේ නිසා, එයා තීරණය කරනවා අර මම කලින් කිව්ව ග්වන්ග්ලිම් දුම්රියපොළේ තියෙන අද්භූත රහස් ගැන හොයලා වීඩියෝ එකක් කරන්න.

එතනදි එයාට මුණගැහෙනවා ඒ දුම්රිය ස්ථානයේ වැඩ කරන, ටිකක් බේබදු, ජීවිතේ එපා වුණු කළමනාකරුවෙක්ව. මුලින් එයා මේ විස්තර කියන්න අකමැති වුණත්, අපේ යූටියුබර් එයාට වටිනා මත්පැන් බෝතලයක් දීලා එයාව කැමති කරගන්නවා. එතැන් ඉඳන් මේ කළමනාකරු, ඒ දුම්රියපොළේ මීට කලින් අතුරුදහන් වුණු අය සහ ඒ අයට වුණු අද්භූත සිදුවීම් ගැන එකින් එක කතා කියන්න පටන් ගන්නවා. පලිගන්නා ආත්ම, අද්භූත vending machine වගේ දේවල් මේ කතාවලින් ඇහෙනවා. ඉතින් මේ views පස්සේ යන ගමන ඩා-ක්‍යුන්ග්ට කොහොම බලපායිද, අනුන්ගේ අවාසනාවන්ත කතා හොයන්න ගිහින් එයා අමාරුවේ වැටෙයිද කියන එක තමයි මේ චිත්‍රපටයේ ප්‍රධාන අරගලය වෙන්නේ.

මෙතන ප්‍රධාන චරිත දෙකට අමතරව දුම්රියපොළේ කඩේක වැඩ කරන හ්යේ-ජින් (Hye-jin) වගේ අතුරු චරිත කිහිපයක් හරහාත් අර කියන පොඩි පොඩි කතා නිර්මාණය වෙනවා. කතාවේ ප්‍රධාන තේමාවන් විදිහට අපිට පේන්නේ අද කාලේ මිනිස්සු "Views" සහ අන්තර්ජාල ජනප්‍රියත්වය වෙනුවෙන් ඕනෑම අනතුරක වැටෙන්න තියෙන කැමැත්ත, කෑදරකම සහ අනුන්ගේ දුකක් විකුණලා සල්ලි හොයන්න හදන එකේ ආදීනව ගැනයි.

මේ කතාවේදී හදින් හිතකට එන ප්‍රශ්නය ඔයාලටමයි – කෙනෙක් අන්තර්ජාලයේ ජනප්‍රිය වෙන්න ඕනේ කමට කොච්චර දුරක් යයිද? කළමනාකරු කියන මේ අද්භූත කතා ඇත්තද? නැත්නම් ඒවට වෙනත් රහසක් තියෙනවද? අන්තිමේදී අපේ යූටියුබර් ඩා-ක්‍යුන්ග්ට අර අතුරුදහන් වුණු අයට වුණු දේම වෙයිද, නැත්නම් එයා ජනප්‍රිය වෙයිද?

මෙකේ වැඩිම මොහොතක් තියෙන tension එකත්, අවසානයේට මේ අද්භූත දුම්රියපොළේ රහස් කොහොම settle වෙනවද කියලත්, ඔයාටම හොයන්න වෙන්නේ මේ චිත්‍රපටය බලලාම තමයි.